Raza Musani 
کراچی : شہید سوز خواں حسنین حیدر جعفری کی نماز جنازہ ادا کری گئی۔ شہید کی نماز جنازہ امام بارگاہ سامراہ نیو رضویہ سوسائٹی میں ادا کی گئی۔ نماز جنازہ میں لواحقین، عزیز و اقارب اور مذہبی اور سماجی شخصیات نے شرکت کی۔ بعد ازاں وادی حسین قبرستان میں سپرد لحد کردیا گیا۔
حسنین حیدرجعفری کو گذشتہ رات ساڑھے نو بجے کے قریب نیو رضویہ سوسائٹی کے دروازے پر شہید کردیا گیا تھا۔ وہ نیو رضویہ میں منقبت پڑھ کر اپنے دوست کے ساتھ کار میں باہر نکلے تھے اور انہیں کلام پڑھنے گلبرگ جانا تھا۔ دو موٹر سائیکلوں پر سوار چار دہشت گردوں نے ان کی کار کو روکا اور قریب سے گولیاں ماردیں۔ انہیں تین گولیاں لگیں۔ کار میں موجود ان کا دوست خوش قسمتی سے محفوظ رہا۔ مقتول حسنین حیدر جعفری تین بچوں کے باپ تھے۔ مجلس وحدت مسلمین، شیعہ علماء کونسل اور جعفریہ الائنس نے مذمت کا اظہار کرتے ہوئے قاتلوں کی فوری گرفتاری کا مطالبہ کیا ہے۔
