Raza Musani 
واشنگٹن : امریکا کے صدر ٹرمپ کے سابق دوست اور ناقد ایلون مسک نے امریکا پارٹی کے نام سے نئی جماعت بنانے کا اعلان کردیا۔ ایکس پر ایک پیغام میں ایلون مسک نے لکھا کہ کانگریس کے وہ تمام ارکان جنہوں نے حکومت کے اخراجات کم کرنے کا وعدہ کیا تھا اور پھر تاریخ میں سب سے بڑے قرضے میں اضافے کے حق میں ووٹ دیا۔ انہیں شرم آنی چاہیے۔ اور اگر یہ میری زندگی کا آخری کام بھی ہو تو میں انہیں اگلے سال پرائمری انتخابات میں ہرواؤں گا۔
ایلون مسلک نے ایک اور پیغام میں کہا کہ اگر پاگل پن والا اخراجاتی بل منظور ہو جاتا ہے تو اگلے دن ’امریکا پارٹی‘ تشکیل دی جائے گی۔ انہوں نے مزید کہا کہ ہمارے ملک کو ڈیموکریٹ ریپبلکن پارٹی کا متبادل درکار ہے تاکہ عوام کو واقعی ایک آواز ملے۔ انہوں نے لکھا کہ ہم ایک ہی پارٹی کے ملک میں رہ رہے ہیں ۔’پورکی پِگ پارٹی‘! وقت آ گیا ہے کہ ایک نئی سیاسی جماعت بنائی جائے جو واقعی عوام کا خیال کرے۔
