Raza Musani 
تیونس : تیونس کے صدر قیس سعید کے خلاف اپوزیشن کے دو حریف گروپوں نے بڑا احتجاجی مظاہرہ کیا. النھضہ پارٹی اور آزاد آئینی پارٹی کے ہزاروں حامیوں نے دارالحکومت اور اس سے ملحقہ علاقوں میں ریلیاں نکالیں اور صدر پر معاشی بدانتظامی اور جمہوریت مخالف بغاوت کا الزام لگایا ہے۔مظاہرین کا کہنا ہے کہ تیونس میں خون بہہ رہا ہے اور قیس سعید ایک ناکام حکمراں ہیں، انہوں نے ہمیں کئی سال پیچھے دھکیل دیا ہے، صدر کے اقدامات نے 2011 کے انقلاب کے ذریعے حاصل ہونے والی جمہوریت کو نقصان پہنچایا ہے جس نے مطلق العنان رہنما زین العابدین بن علی کو معزول کیا اور عرب بہار یہ کو متحرک کیا۔النھضہ اور آزاد آئینی پارٹی طویل عرصے سے مخالف پارٹیوں کے طور پر جانی جاتی ہیں لیکن اب دونوں صدر قیس سعید کے خلاف ایک ہوگئی ہیں.
