افغانستان میں زلزلے سے تباہی، ہلاکتیں 2 ہزار سے تجاوز

کابل: افغانستان کے صوبے ہرات میں گزشتہ روز 6.3 شدت کے زلزلہ سے بڑے پیمانے پر تباہی ہوئی ہے۔ افغانستان میں زلزلے سے ہلاکتوں کی تعداد 2 ہزار سے زائد ہو گئی۔ جبکہ دس ہزار افراد زخمی ہیں۔ میڈیا رپورٹس کے مطابق زلزلے کی گہرائی 76 کلو میٹر تھی جبکہ مرکز شمال مغربی افغانستان تھا۔ وزارت آفات کے مطابق افغانستان میں زلزلے سے اموات کی تعداد 2 ہزار 53 ہو گئی ہیں۔ زلزلے سے 9 ہزار 240 افراد زخمی اور ایک ہزار 328 گھروں کو نقصان پہنچا ہے۔ افغان حکام کا کہنا ہے کہ زلزلےسے زندہ جان اور غوریان اضلاع کے 12 دیہات مکمل تباہ ہوئے۔ بڑے پیمانے پر امدادی کارروائیاں شروع کردی گئی ہیں۔ دور دراز علاقوں کی وجہ سے مشکلات پیش آرہی ہیں۔