آبدوز معاہدہ پر تنازع، فرانس نے امریکا اور آسٹریلیا سے سفیر واپس بلا لیے

پیرس : انڈو پیسفک یا آکوس معاہدے پر تنازع سفارتی جنگ میں تبدیل ہوگیا، فرانس نے امریکا اور آسٹریلیا سے سفیر واپس بلالیے، فرانسیسی وزیر خارجہ کہتے ہیں آسٹریلیا نے ہماری روایتی آبدوزیں خریدنے کا معاہدہ توڑ کر اعتماد کو ٹھیس پہنچائی، سفیروں کو آسٹریلیا کی دھوکا دہی پر واپس بلایا، آسٹریلیا کا فرانسیسی آبدوز خریدنے کا معاہدہ توڑنا ناقابل قبول اور پشت میں خنجر کے مترادف ہے، وائٹ ہاؤس نے فیصلے کو افسوسناک قرار دیتے ہوئے کہا ہے کہ امریکا اس سفارتی تنازع کو حل کرنے کے لیے کام کرے گا۔ آسٹریلوی وزیر خارجہ نے کہا کہ فرانس کی مایوسی سمجھتے ہیں اُسے آکوس معاہدے کی اہمیت سمجھانے کی کوشش کریں گے، آکوس سیکیورٹی معاہدے کے بعد آسٹریلیا فرانس سے آبدوز خریداری کا 36 ارب ڈالر کا معاہدہ توڑ کر امریکا کی ایٹمی آبدوز خرید رہا ہے۔