Raza Musani 
صنعا : یمن کی نیشنل سالویشن حکومت کے مذاکرات کار وفد کے رکن عبدالملک العجزی نے یمنی عوام کے خلاف سعودی اتحاد کے کسی بھی اقتصادی تادیبی اقدام پر سخت خبردار کیا ہے۔ عبدالملک العجزی نے کہا ہے کہ سعودی اقدام سے یمن کے انسانی و اقتصادی مسئلے کے حل میں پیشرفت رکنے کے علاوہ اس کا کوئی اور نتیجہ نہیں نکلے گا۔انھوں نے کہا کہ سعودی اتحاد کی جانب سے تادیبی اقدامات کرنے سے مسئلہ یمن کے حل سے متعلق بروئے کار لائی گئی کوششیں ناکام ہوں گی اور اس سلسلے میں انجام پانے والے دورے کے نتائج بھی برعکس نکلنا شروع ہو جائیں گے۔ جارح ممالک ہی یمنی عوام کے خلاف نئے اقدامات سے پیدا ہونے والے مسائل کے ذمہ دار ہوں گے۔
