ملعون سلمان رشدی کا ایک ہاتھ ناکارہ اور آنکھ ضائع ہوگئی

نیویارک : شاتم رسول ملعون سلمان رشدی چاقو حملے میں ایک آنکھ کی بینائی سے محروم ہوگیا اور اس کا ایک ہاتھ بھی ناکارہ ہوگیا۔ یہ بات امریکا میں ملعون کے ایجنٹ اینڈریو وائلی نے بتائی۔ جس کا کہنا ہے کہ سلمان رشدی کے سینے میں تقریباً 15 مزید زخم ہیں۔ جبکہ گردن میں تین سنگین زخم آئے تھے۔ بازو کے اعصاب کٹنے سے اس کا ایک ہاتھ ناکارہ ہوگیا۔ یہ پوچھے جانے پر کہ کیا مصنف اب بھی اسپتال میں ہے۔ مسٹر وائلی نے جواب دیا کہ میں سلمان رشدی کے ٹھکانے کے بارے میں کوئی معلومات نہیں دے سکتا۔ یہ بات زیادہ اہم ہے کہ وہ زندہ ہے۔ ایجنٹ نے کہاکہ سلمان رشدی کی زندگی کو خطرات تو طویل عرصے سے لاحق ہیں۔