Raza Musani 
غزہ : صیہونی فوج نے امداد کے متلاشی مزید آٹھ فلسطینی شہید اور کئی زخمی کردئے۔ جبکہ مزاحمت کاروں کے حملے میں سات صیہونی فوجی مارے گئے۔
صیہونی فوج نے غزہ کی صلاح الدین اسٹریٹ پر امداد کیلئے جمع بھوکے اور نہتے متاثرین پر گولیاں برسادیں۔ درندگی کے اس مظاہرے میں درجنوں فلسطینی شہید و زخمی ہوگئے۔ صیہونی فوج نے نصیرات میں ایک مکان کو دھماکے سے اڑادیا جس کے نتیجے میں ایک ہی گھر کے چھ فلسطینی شہید ہوگئے۔ دیر البلاح میں فضائی حملے میں پانچ فلسطینی شہید کئے گئے۔ چوبیس گھنٹوں میں شہدا کی تعداد ستائیس ہوگئی جبکہ مجموعی تعداد چھپن ہزار سے تجاوز کرگئی۔
ادھر فلسطینی مزاحمت کاروں نے گھات لگاکر خان یونس میں ایک بکتر بند گاڑی کو دھماکے سے اڑادیا۔ حملے میں گاڑی میں آگ لگ گئی حملے میں سات اسرائیلی فوجی ہلاک اور سترہ زخمی ہو گئے جن میں سے کچھ کی حالت نازک ہے۔
