Raza Musani 
اسلام آباد : سول سوسائٹی نے اسلام آباد میں کالعدم تنظیم سپاہ صحابہ کا جلسہ رکوانے کیلئے ڈپٹی کمشنر کو درخواست جمع کروادی، سیدہ گل زہرا رضوی اور سید فدا عباس نے ڈپٹی کمشنر حمزہ شفقات کو دی گئی تحریری درخواست میں مطالبہ کیا ہے کہ ایک ایسی کالعدم تنظیم جو ملک بھر میں نام بدل بدل کر فرقہ وارانہ منافرت پر مبنی جلسے اور کانفرنسں منعقد کررہی ہے جس میں کھلم کھلا کالعدم تنظیم کے پرچم بھی لہرائے جاتے ہیں اور مخالف فرقے کےخلاف کافر کافر کے نعرے بھی لگائے جاتے ہیں اس کے سرغنہ اورنگزیب فاروقی کو دارالحکومت کا امن تباہ وبرباد کرنے کی ہر گز اجازت نہ دی جائے اور اسے ضلع میں داخلے اور خطاب سے روکا جائے، ماضی میں بھی یہ فرقہ پرست شخص اسلام آباد میں عوامی اجتماعات میں کھلے عام ریاست پاکستان، سلامتی کے اداروں اور شیعہ مکتب فکر کے خلاف غلیظ اور توہین آمیز زبان کا استعمال کرتا رہا ہے ، اگر اس کے خطاب کے شہر میں کوئی واقعہ رونما ہوا تو اس کی تمام ترذمہ داری ضلعی انتظامیہ اور قانون نافذ کرنے والے اداروں پر عائد ہوگی۔
