Raza Musani 
جوہانسبرگ: افریقی یونین کا کہنا ہے کہ ایتھوپیا کی حکومت اور تیگرائی باغی افواج نے جنوبی افریقا میں ہونے والے مذاکرات کے بعد لڑائی ختم کرنے پر باضابطہ طور پر اتفاق کرلیا ۔ افریقی یونین کی جانب سے ثالث کا کردار ادا کرنے والے اولوسیگون اوباسانجو نے بتایا کہ ایتھوپیا کے شمالی علاقے تیگرائی کے باغیوں نے لڑائی کے مستقل خاتمے پر اتفاق کیا ہے۔ فریقین نے تخفیفِ اسلحہ اور امن و امان کی بحالی سمیت کار مملکت کی بحالی اور انسانی امداد کی بلا روک ٹوک فراہمی پر اتفاق کیا ہے۔ ایتھوپیا کے وزیراعظم ابے احمد نے بھی تنازع کے خاتمے کو ملک کے لیے اہم کامیابی قرار دیتے ہوئے کہا کہ اس سے قوم مزید مضبوط ہوگی اور ترقی کا سفر جاری رہے گا۔ایتھوپیا کی حکومت اور تیگرائی باغیوں کے درمیان امن مذاکرات کا آغاز ایک ہفتے قبل جنوبی افریقا میں ہوا تھا۔ اس جنگ میں اب تک 10 ہزار سے زائد افراد مارے گئے ہیں۔
