Raza Musani 
لندن : برطانیہ نے آئندہ تعلیمی سال سے اسرائیلی شہریوں کے لیے اپنی فوجی اکیڈمی کے دروازے بند کردیے ہیں۔
اسرائیلی شہریوں کو لندن کی معروف فوجی درسگاہ رائل کالج آف ڈیفنس اسٹڈیز میں داخلہ نہیں ملے گا۔ یہ ادارہ ایک صدی سے دنیا کے اعلیٰ فوجی اور سول رہنماؤں کو اسٹریٹجک سطح کو تربیت فراہم کرتا آیا ہے۔ برطانوی حکام کا کہنا ہے کہ یہ اقدام غزہ میں جاری اسرائیلی فوجی کارروائیوں اور انسانی بحران کے ردعمل کے طور پر اٹھایا گیا ہے۔
اسرائیلی وزارت دفاع نے اسے امتیازی سلوک اوردونوں ملکوں کے درمیان قریبی تعلقات کو نقصان پہنچانے والا عمل قرار دیا ہے۔ مبصرین کے مطابق یہ فیصلہ برطانیہ اور اسرائیل کے تعلقات میں ایک نئی کشیدگی کو جنم دے سکتا ہے اور دیگر یورپی ملکوں پر بھی دباؤ ڈال سکتا ہے کہ وہ اسرائیل کے ساتھ اپنے دفاعی تعاون پر نظرِ ثانی کریں۔
