باجوڑ میں دھماکا، اسسٹنٹ کمشنر سمیت 5 افراد جاں بحق ، 11 زخمی

پشاور: خیبرپختونخوا کے ضلع باجوڑ میں صدیق آباد پھاٹک میلہ گراؤنڈ کے قریب بم دھماکے میں اسسٹنٹ کمشنر ناؤگئی، تحصیل دار نواگئی، دو پولیس اہل کاروں سمیت 5 افراد جاں بحق اور گیارہ زخمی ہوگئے۔ دھماکے میں اسسٹنٹ کمشنر فیصل اسماعیل کی گاڑی کو نشانہ بنایا گیا ہے۔
زخمی پولیس کے سب انسپکٹر نور حکیم علاج کے لیے پشاور منتقل کئےجارہے تھےکہ راستے میں ہی چل ضبسے۔ اطلاع ملنے پر ریسکیو 1122 کے میڈیکل ٹیموں نے بروقت پہنچ کر زخمیوں کو طبی امداد فراہم کر کے ڈسٹرکٹ اسپتال خار منتقل کیا۔
آئی جی خیبرپختونخوا ذوالفقار حمید نے کہا ہے کہ ابتدائی معلومات کے مطابق فتنہ الخوارج نے اسسٹنٹ کمشنر ناواگئی فیصل اسماعیل کی گاڑی کو نشانہ بنایا۔ آئی جی خیبرپختونخوا ذوالفقار حمید نے کہا کہ واقعے میں ملوث عناصر کی گرفتاری کیلئے ٹیمیں تشکیل دے دی گئی ہیں جبکہ موقع سے تمام ضروری ثبوت اکھٹے کیے جا رہے ہیں۔