جنوبی لبنان پر حملے کسی بھی وقت کیے جاسکتے ہیں، اسرائیلی آرمی چیف کی بھڑکیں

تل ابیب: اسرائیل کے چیف آف اسٹاف لیفٹیننٹ جنرل ہیرزی ہیلوی نے جنوبی لبنان پر حملے کی تیاریوں کا اعلان کردیا۔ اسرائیلی آرمی چیف نے شمالی اسرائیل کے سرحدی علاقوں کا دورہ کیا۔ تازہ امریکی امداد اورامریکی وزیرخارجہ کے دورہ شمالی اسرائیل کے بعد اسرائیل کی جارحانہ پالیسیوں میں اضافہ دیکھا گیا ہے۔اسرائیلی آرمی چیف نے شمالی اسرائیل میں سے حزب اللہ کے خلاف بھرپور کارروائیوں کا فیصلہ کرلیا ہے اور کہا ہے کہ حزب اللہ کے خلاف بھرپور حملے کسی بھی وقت ہوسکتے ہیں پوری اسرائیلی قوم اس کے لیے تیار ہے۔آپریشن شروع ہوا تو جنوبی لبنان سے حزب اللہ کے خاتمے تک جاری رہے گا۔
ادھر حزب اللہ نے ایک بار پھر اسرائیلی علاقوں پر راکٹ اور اینٹی ٹینک میزائلوں سے حملہ کیا ہے جس سے کئی فوجی تنصیبات کو شدید نقصان پہنچا ہے۔