شام اور عراق میں امریکی اڈوں پر راکٹوں اور ڈرون سے حملہ

بغداد : شام اور عراق میں مزاحمت کاروں نے امریکی فوجی اڈوں پر راکٹوں اور ڈرون سے حملے کئے۔ عراقی مزاحمت کاروں نے شام میں کونیکو آئل فیلڈ میں امریکی اڈے پر راکٹوں سے حملہ کیا۔ مزاحمتی گروپ کا کہناہےکہ براہ راست امریکی اہداف کو نشانہ بنایا گیا۔ یہ حملے غزہ پر اسرائیلی حملوں کے جواب میں کئے گئے۔
عراق میں بھی امریکی اڈے پر دو راکٹ داغے گئے. ان حملوں میں کسی جانی نقصان کی اطلاع نہیں ملی۔ غزہ جنگ شروع ہونے کے بعد سے اب تک عراق میں امریکی اڈوں پر 36 اور شام میں 37 حملے ہو چکے ہیں۔ عراقی مزاحمتی گروپ کتائب حزب اللہ نے امریکی افواج کے خلاف مزید حملوں کا اعلان کیا ہے۔ ترجمان محمد محی نے کہا کہ اپنے حملوں کا دائرہ کار بڑھارہے ہیں۔