قطر پر حملہ گریٹر اسرائیل منصوبے کا حصہ ہے، شیخ نعیم قاسم

بیروت : حزب اللہ کے سربراہ شیخ نعیم قاسم نے کہاہےکہ حزب اللہ کسی بھی قیمت پر نہیں جھکے گی۔ قطر پر حملہ گریٹر اسرائیل منصوبے کا حصہ ہے۔ رسول اکرم صلی اللہ علیہ وآلہ وسلم کے یوم ولادت کی مناسبت سے تقریب سے خطاب کرتے ہوئے شیخ نعیم قاسم نے کہا کہ فلسطین کا مسئلہ امت اسلام کے اتحاد کی سب سے بڑی علامت ہے۔ فلسطین کی حمایت عالم اسلام میں اتحاد کی سب سے بڑی علامت ہے۔ انہوں نے کہا کہ حزب اللہ ہمیشہ فلسطین کے ساتھ کھڑی رہی ہے اور اس کے لیے قربانیاں دی ہیں اور اسرائیل کو لبنان کے کسی بھی علاقے پر قبضہ کرنے سے روکنے میں کامیاب رہی۔ اسرائیل آج خوفزدہ ہے اور وہ ہماری سرزمین پر قدم نہیں جما سکتا۔
انہوں نے کہا کہ جدید لبنان کے قیام کے بعد سے اسرائیل پورے ملک پر ہاتھ ڈالنے کے لالچی عزائم رکھتا ہے۔ حب الوطنی کی اعلی ترین شکل لبنان کا دفاع ہے۔