شام پر اسرائیل کا ایک اور میزائل حملہ ناکام

دمشق: صیہونی فورسز نے ایک بار پھر شام میں دمشق کے مضافاتی علاقوں پر میزائل حملہ کیا۔ شام کے فضائی دفاعی یونٹس نے زیادہ تر میزائلوں کو مار گرایا ۔ اسرائیلی جنگی طیاروں نے دمشق کے قریب بعض اہداف پر مقبوضہ فلسطینی علاقوں کے شمال کی سمت سے متعدد میزائل داغے۔ ذرائع نے یہ بھی بتایا کہ حملوں میں ایک فوجی زخمی اور کچھ مادی نقصان ہوا۔میزائل داغے جانے کے بعد دمشق میں دو زوردار دھماکے سنے گئے۔ جمعہ کو بھی رات گئے دمشق اور جنوبی علاقے پر اسرائیلی میزائل حملے کو ناکام بنادیا گیا تھا۔