Raza Musani 
تہران : ایران اسرائیل جنگ کے باعث ایران میں پھنسے پاکستانیوں کی تفتان بارڈر کے راستے پاکستان آمد کا سلسلہ جاری ہے۔ ایران سے آئے پاکستانی زائرین اور طلباء پر مشتمل دوسرا قافلہ تفتان سے کوئٹہ پہنچ گیا پانچ بسوں میں 120 طلباء اور 80 زائرین کو کوئٹہ لایا گیا، اسسٹنٹ کمشنر کوئٹہ عبداللہ بن عارف کا کہنا ہے تفتان سے کوئٹہ آنے والے زائرین اور طلباء لیے تمام انتظامات کئے گئے ہیں ایران سے پاکستان پہنچنے والوں میں زائرین، تاجروں اور طلباء سمیت دیگر افراد شامل ہیں جنہیں 5 بسوں کے ذریعے تفتان سے کوئٹہ پہنچایا گیا. ایران سے کوئٹہ بخیریت پہنچنے پر زائرین اور طلبا نے خوشی کا اظہار کیا۔
