علامہ شبیر میثمی کی وفد کے ہمراہ پروفیسر ساجد میر مرحوم کی رہائشگاہ آمد

لاہور: شیعہ علماء کونسل پاکستان کے مرکزی سیکرٹری جنرل علامہ ڈاکٹر شبیر حسن میثمی نے ایک وفد کے ہمراہ جمعیت اہل حدیث کے سربراہ پروفیسر ساجد میر مرحوم کی وفات پر ان کے صاحبزادے احمد میر اور دیگر جماعتی ذمہ داران سے ملاقات کی اور علامہ سید ساجد علی نقوی کی جانب سے علامہ ساجد میر مرحوم کی رحلت پر تعزیتی پیغام پہنچایا۔ وفد نے مرحوم کے ایصال ثواب کے لیے فاتحہ خوانی اور دعائے مغفرت بھی کی۔
علامہ شبیر میثمی کے ہمراہ شیعہ علماء کونسل پاکستان کے وفد میں مرکزی سیکرٹری اطلاعات زاہد علی آخونزادہ، صوبائی صدر شمالی پنجاب علامہ اشتیاق حسین کاظمی، مولانا بختیار سبزواری، مولانا سید شہزاد نجفی، مولانا فیاض حسین مطہری، مولانا امداد علی گھلو، سابق ضلعی جنرل سیکرٹری سیالکوٹ شبیر ضیغم، برادر صبیح حیدر و دیگر شخصیات شامل تھیں۔