Raza Musani 
لندن : غزہ میں جنگ بندی کے بعد عبوری انتظامیہ کی قیادت کیلئے سابق برطانوی وزیراعظم ٹونی بلیئر کا نام گردش کرنے لگا۔
بی بی سی کی رپورٹ کے مطابق غزہ کا انتظام چلانے کیلئے ٹونی بلیئر کی قیادت میں غزہ انٹرنیشنل ٹرانزیشنل اتھارٹی قائم کی جائے گی جو اقوام متحدہ اور خلیجی ممالک کی معاونت سے پانچ سال تک کام کرے گی۔ رپورٹ کے مطابق اتھارٹی کا دفتر ابتدائی طور پر مصر میں قائم کیا جائے گا اور غزہ میں امن و استحکام کی بحالی کے بعد وہاں منتقل کردیا جائے گا۔
رپورٹ کے مطابق ایک کثیر القومی فورس بھی غزہ میں تعینات کی جائے گی۔ منصوبے کا ماڈل مشرقی تیمور اور کوسوو کی عالمی نگرانی پر مبنی نظام جیسا ہوگا۔ بلیئر کے دفتر نے کہا ہے کہ وہ کسی ایسے منصوبے کی حمایت نہیں کریں گے جس سے غزہ کے عوام بے دخل ہوں۔
