Raza Musani 
تل ابیب: اسرائیل کی ملٹری انٹیلی جنس ایجنسی کے سربراہ نے اپنا استعفیٰ آرمی چیف کو بھیج دیا ہے۔اسرائیلی ملٹری انٹیلی جنس چیف ایرون ہیلوا نے کہا ہے کہ وہ اپنے عہدے سے مستعفیٰ ہونا چاہتے ہیں اور سمجھتے ہیں کہ سات اکتوبر کو حماس کا حملہ ناکام نہ بنانے کی ذمہ داروں میں شامل ہیں۔ اسرائیلی فوج کے ملٹری انٹیلی جنس کا عہدہ کسی قابل شخص کو دیا جانا چاہئے جو ملک کی سیکیورٹی کو بہتر انداز میں چلاسکے۔ ملٹری انٹیلی جنس چیف حماس سے مذاکرات کے ٹیم میں بھی شامل تھے جس پر اسرائیلی وزیراعظم نے اندر کی خبریں باہر پہنچانے کا الزام عائد کیا تھا۔تاہم استعفیٰ میں ایسی کوئی بات نہیں کہی گئی ہے۔
