Raza Musani 
طرابلس: لیبیا میں طاقتور سمندری طوفان دانیال نے تباہی مچادی۔ میڈیا رپورٹس کے مطابق دو ہزار سے زائد افراد ہلاک اور سینکڑوں لاپتہ ہوگئے۔ سمندری طوفان پوری قوت سے مشرقی لیبیا کے شہر دیرنا کے ساحلوں سےٹکرا گیا۔ شدید بارشوں کے بعد سیلاب سے نظام زندگی درہم برہم ہوگیا۔ سڑکوں اور گلیوں میں کئی فٹ پانی کھڑا ہوگیا۔ پانی کی سطح تین میٹر تک بلند ہوگئی ہے۔ سیلابی ریلوں سے عمارتیں گرگئیں۔ شہر میں دو ڈیم بھی ٹوٹ گئے ہیں۔سمندری طوفان کے اثرات بن غازی۔ سوسا۔ بیادہ اور المرج میں بھی دیکھے گئے۔ جہاں 70 کلو میٹر کی رفتار سے تیز ہوا کے ساتھ موسلادھار بارش ہوئی۔ طوفان کی وجہ سے ملک کے ساحلی شہر شدید متاثر ہیں۔ جہاں سیلابی ریلوں نے بڑا نقصان کیا ہے۔
