Raza Musani 
نئی دہلی : ہندوستان سے رواں ماہ سے مئی تک چھ ہزار تعمیراتی کارکن اسرائیل پہنچیں گے۔ اسرائیلی حکومت ہندوستان کے درمیان معاہدے کے تحت 64 تعمیراتی کارکنوں کی پہلی کھیپ اسرائیل پہنچ گئی۔ جبکہ رواں ماہ کے اختتام تک مزید 850 کارکن پہنچ جائیں گے۔ کم مدت میں زیادہ سے زیادہ ورکرز کو پہنچانے کیلئے کارکنوں کو ہندوستان سے ایک "ایئر شٹل” کے ذریعے منتقل کیا جائے گا۔ حکومتی معاہدہ کے علاوہ نجی کمپنیوں کے ساتھ معاہدہ کے نتیجے میں بھی نو سو سے زائد کارکن اسرائیل پہنچیں گے۔ اسرائیل نے جنگ کی وجہ سے فلسطینی کارکنوں کے ورک پرمٹ منسوخ کردئے تھے جس کی وجہ سے اسرائیل میں صنعتی وتعمیراتی کارکنوں کی قلت پیدا ہوگئی ہے۔
