جنرل اسمبلی میں مسئلہ فلسطین سے متعلق 5 اہم قراردادیں منظور

نیویارک : اقوام متحدہ کی جنرل اسمبلی نے کثرت رائے سے مسئلہ فلسطین سے متعلق پانچ اہم قراردادیں منظور کرلیں۔ جنرل اسمبلی کے ایک سو اکاون ارکان نے فلسطینی پناہ گزینوں کی مدد سے متعلق قرارداد کے حق میں ووٹ دیا۔ جبکہ دس ارکان نے مخالفت کی اور چودہ ممالک غیرحاضر رہے۔
انروا کی مدت تین سال بڑھنے کی قرارداد کو ایک سو پینتالیس ارکان کی حمایت ملی۔ فلسطینی پناہ گزینوں کی جائیدادوں اور اس کی آمدنی سے متعلق قرار داد کےحق میں 151 ممالک نے ووٹ دیا۔ انسانی حقوق کی خلاف ورزیوں کی تحقیقات سے متعلق قرارداد کی سب سے کم اٹھاسی ممالک نےحمایت کی جبکہ اسرائیلی بستیوں اور مقبوضہ گولان سے متعلق قرارداد 146 ممالک نے منظور کی۔