Raza Musani 
غزہ : جنگ بندی کے بعد غزہ میں ملبے سے شہدا کی لاشیں ملنے کا سلسلہ تیز ہوگیا ہے جبکہ اسرائیل نے بھی پینتالیس لاشیں غزہ بھیج دیں۔ غزہ میں ملبے سے مزید چوالیس شہدا کی لاشیں ملی ہیں جنہیں اسپتال منتقل کیا گیا۔ جس سے شہدا کی تعداد سڑسٹھ ہزار 913 ہوگئی ہے۔
وزارتِ صحت کے مطابق متعدد لاشیں اب بھی ملبے تلے دبی ہوئی ہیں۔ جنہیں نکالنے کیلئے ریسکیو ٹیموں کو شدید مشکلات کا سامنا ہے۔
ادھر اسرائیل نے گذشتہ روز چار اسرائیلی قیدیوں کی لاشوں کے بدلے 45 فلسطینی شہدا کی میتیں غزہ بھیج دی ہیں۔اسرائیلی حکام کے مطابق حماس کے پاس اب بھی چوبیس اسرائیلی قیدیوں کی لاشیں موجود ہیں ۔جن کی واپسی آئندہ مراحل میں متوقع ہے۔
