Raza Musani 
راولپنڈی: انسداد دہشت گردی کی کارروائیوں میں میجر سمیت تین فوجی شہید ہوگئے جبکہ چھ دہشت گرد مارے گئے۔ پاکستانی فوج نے افغان سرحد سے ملحقہ شمالی علاقے میران شاہ میں دہشت گردوں کی موجودگی کی اطلاع پر آپریشن کیا۔ فائرنگ کے تبادلے میں میجر اور سپاہی شہید ہوگئے جبکہ ایک دہشت گرد ہلاک جبکہ دوسرا زخمی ہوا۔ خیبر کے علاقے وادی تیراہ میں فائرنگ کے تبادلے میں ایک دہشت گرد مارا گیا جبکہ حوالدار منتظر شاہ جاں بحق ہوگیا۔ ادھر صوبہ بلوچستان کے علاقے واشُک میں پولیس کے انسداد دہشت گردی ونگ کی کارروائی میں 5 دہشت گرد ہلاک ہوگئے۔ دہشت گردوں کے زیر استعمال گھر سے اسلحہ وگولہ بارود برآمد کرلیا گیا ہے اور ساتھی حملہ آوروں کی تلاش کے لیے علاقہ کی سرچنگ کا سلسلہ جاری ہے۔
