Raza Musani 
انڈونیشیا نے اعلان کیا ہے کہ وہ غزہ کے لیے مجوزہ بین الاقوامی استحکام فورس میں شمولیت کے لیے بیس ہزار فوجی تیار رکھے گا۔
انڈونیشیا کے وزیر دفاع سجافری سجامسودین نے بتایا کہ یہ فورس صحت اور تعمیرِ نو جیسے کاموں پر توجہ دے سکتی ہے۔ وہ غزہ کے لیے آئندہ امن اقدامات کے فیصلوں کے منتظر ہیں، جہاں اسرائیل کی دو سال سے جاری نسل کشی نے شدید تباہی مچا دی ہے۔ سجامسودین کا کہنا ہے کہ صدر پرابوو اس منصوبے پر اردن کے بادشاہ عبداللہ دوم کے ساتھ ان کے دورۂِ انڈونیشیا کے دوران بات کریں گے۔ انہوں نے یہ نہیں بتایا کہ کتنے فوجی کب بھیجے جائیں گے ۔واشنگٹن کا کہنا ہے کہ وہ آذربائیجان، انڈونیشیا، مصر، متحدہ عرب امارات اور قطر کے ساتھ اس فورس میں ممکنہ شمولیت پر بات کر رہا ہے۔
