Raza Musani 
نیویارک: اقوام متحدہ کی انسانی حقوق کونسل نے فلسطین میں انسانی حقوق کی خلاف ورزیوں میں ملوث گیارہ ممالک کی ایک سو اٹھاون کمپنیوں کی نشاندہی کردی
انسانی حقوق کمیشن نے سابق فہرستوں کو اپ ڈیٹ کرکے نئی رپورٹ جاری کی ہے۔ رپورٹ کے مطابق 596 کاروباری اداروں کیخلاف شکایات ملیں جس میں سے 215 کمپنیوں کا جائزہ لیا گیا ان میں 97 ایسے ادارے بھی ہیں جن کا نام پہلے ہی فہرست میں درج تھا۔ جبکہ اڑسٹھ نئی کمپنیاں شامل کی گئیں۔ رپورٹ کے مطابق بیشتر کمپنیوں کا تعلق اسرائیل سے ہے جبکہ دیگر کمپنیاں کینیڈا، چین، فرانس، جرمنی، لکسمبرگ، نیدرلینڈز، پرتگال،اسپین، برطانیہ اور امریکا میں قائم ہیں۔ یہ کمپنیاں غیر قانونی تعمیرات، فلسطینی گھروں کی مسماری، وسائل کےاستحصال اور انسانی حقوق کی خلاف ورزیوں میں ملوث پائی گئی ہیں۔
رپورٹ میں کمپنیوں پر زور دیا گیا ہے کہ وہ انسانی حقوق کی خلاف ورزیوں کے اثرات کو کم کرنے کے لیے مؤثر اقدامات کریں اور متاثرین کو انصاف کی فراہمی میں تعاون کریں۔
