جنوبی کوریا میں ہیلووین کے تہوار پر بھگدڑ سے 120 افراد ہلاک، 100 سے زائد زخمی

سیول : جنوبی کوریا کے دارالحکومت سیول میں ہیلووین کے تہوار کے دوران بھگدڑ مچنے سے 120 افراد ہلاک اور سو سے زائد زخمی ہو گئے ہیں۔نیشنل فائر ایجنسی کے ایک اہلکار چوئی چیونگ بیوم نے بتایا کہ زیادہ تر اموات بھگدڑ کے دوران کچلے جانے کی وجہ سے ہوئیں اور ہلاکتوں میں مزید اضافہ ہو سکتا ہے۔
انہوں نے کہا کہ 76 لاشیں قریبی اسپتال پہنچائی گئیں، جبکہ 46 کو ایک جِم میں رکھا گیا ہے۔اس سے قبل نیشنل فائر ایجنسی کے ایک اور اہلکار نے کہا تھا کہ سنیچر کی شب 100 افراد کے زخمی ہونے کی اطلاعات ہیں اور تقریباً 50 افراد کو دل کا دورہ پڑا جن کا علاج ہو رہا ہے۔انہوں نے کہا تھا کہ اس بات کا امکان ہے کہ ہیملٹن ہوٹل کے قریب ایک تنگ گلی میں بھگدڑ مچنے سے لوگ ہلاک بھی ہوئے ہیں، تاہم انہوں نے ہلاکتوں کی تعداد نہیں بتائی تھی۔