بغداد میں دھماکوں سے 12 افراد جاں بحق اور 20 سے زائد زخمی

بغداد: عراقی دارالحکومت بغداد میں دھماکوں سے 12 افراد جاں بحق اور 20 سے زائد زخمی ہوگئے۔ حکام نے اسے دہشت گردی قرار دیا ہے۔ پہلا دھماکا فٹ بال اسٹیڈیم اور ایک کیفے کے قریب گیراج میں ہوا۔ گاڑی میں نصب دھماکا خیز مواد کو ٹائم ڈیوائس سے اڑایا گیا۔ جس سے قریبی کھڑے گیس ٹینکر میں آگ لگ گئی اور اس کا ٹینک بھی زوردار دھماکے سے پھٹ گیا۔ مرنےوالوں میں زیادہ تر شوقیہ فٹبال کھیلنے والے شامل ہیں۔ دھماکے بغداد کے بیشتر حصے میں سنے گئے اور اس سے قریبی عمارتوں کے شیشے ٹوٹ گئے۔