Raza Musani 
جنیوا : اقوام متحدہ نے کہا ہے کہ دنیا بھر میں گیارہ کروڑ افراد زبردستی اپنے گھر چھوڑ کر نقل مکانی پر مجبور ہوئے۔ اقوام متحدہ کے ادارہ برائے مہاجرین نے کہا ہے کہ یوکرین جنگ، افغان مہاجرین اور سوڈان خانہ جنگی کی وجہ سے مہاجرین کی تعداد میں اضافہ ہوا ہے جبکہ اپنے ہی ملکوں میں بے گھر ہونے والے افراد میں بھی غیر معمولی اضافہ ہوا۔ ادارہ نے سالانہ رپورٹ میں کہا ہے کہ گزشتہ سال کے اواخر میں بے گھروں کی تعداد دس کروڑ 84 لاکھ تھی۔ جبکہ سال 2021 کے بعد اس تعداد میں ایک کروڑ 91 لاکھ کا اضافہ ہوا جو اب تک کا سب سے بڑا اضافہ ہے۔ یو این ایچ سی آر کے سربراہ فلیپو گرانڈی نے جنیوا میں پریس بریفنگ میں کہا کہ گیارہ کروڑ افراد لڑائی، ظلم، امتیازی سلوک، تشدد اور دیگر وجوہات بالخصوص ماحولیاتی تبدیلیوں کے باعث نقل مکانی پر مجبور ہوئے۔ یہ دنیا کے برے حالات کا واضح ثبوت ہے۔
