Raza Musani 
صومالیہ میں دو کار بم دھماکوں میں سو افراد ہلاک اور تین سو سے زائد زخمی ہوگئے۔ صومالیہ کے دارالحکومت موغادیشو میں دو کار بم دھماکوں نے وزارت تعلیم کو ہلا کر رکھ دیا۔ پولیس افسر ابراہیم محمد نے بتایا کہ دھماکا خیز مواد سے بھری ایک گاڑی وزارت کے احاطے میں داخل ہوئی اور اس کے بعد فائرنگ کی گئی۔ ایک اور دھماکا دروازے کے قریب ہوا۔ حکام نے مزید ہلاکتوں کا خدشہ ظاہر کیا ہے۔ صومالیہ کے صدر حسن شیخ محمد نے حملے کی جگہ کا دورہ کیا اور عالمی برادری سے اپیل کی کہ وہ زخمیوں کے علاج کے لیے ڈاکٹرز اور طبی سامان بھیجے۔ محمد نے عوام سے اپیل کی کہ وہ ہسپتالوں میں جائیں اور حملے میں زخمی ہونے والوں کے لیے خون کا عطیہ دیں۔ انہوں نے حملوں میں مارے گئے متاثرین کے ساتھ ساتھ الشباب کے دیگر حملوں میں ہلاک ہونے والے متاثرین کے بچوں کو بھی مفت تعلیم دینے کا عزم کیا۔
