Ilyas معاملے کو اب سیاسی رنگ نہیں دیا جانا چاہیے،ایرانی شہری ہوابازی
تہران (نیوز ڈیسک) ایران نے کہا ہے کہ اس سال کے آغاز میں تہران کے مضافات میں غلطی سے مار گرائے گئے یوکرینی مسافر طیارے کو 25 سیکنڈ کے وقفے سے دو میزائل لگے جس کے بعد طیارہ گر کر تباہ ہو گیا،ایران نے حادثے کے بعد طیارے کا بلیک باکس جولائی میں فرانس بھجوایا تھا جس کی رپورٹ آنے کے بعد ایران کے ایوی ایشن حکام نے مزید تفصیلات سے آگاہ کیا ، رپورٹ کے مطابق طیارے کو جب پہلا میزائل لگا تو 19 سیکنڈ بعد بھی پائلٹس کی گفتگو سے پتا چلتا ہے کہ اس وقت تک مسافر زندہ تھے،لیکن 25 سیکنڈ بعد طیارے کو جب دوسرا میزائل لگا تو وہ تہران کے مضافاتی علاقے میں گر کر تباہ ہو گیا، ایران کے شہری ہوا بازی کے محکمے کے سربراہ کا کہنا ہے کہ اس معاملے کو اب سیاسی رنگ نہیں دیا جانا چاہیے، وہ اس ضمن میں کینیڈا، یوکرین اور دیگر ممالک سے رابطے میں ہے جن کے شہری اس واقعے میں ہلاک ہوئے تھے
