لاہور سمیت پنجاب بھر کے پرائیویٹ اسکولز پنجاب ٹیکسٹ بک بورڈ کی اجازت کے بغیر کوئی بھی کتاب یا سپلیمنٹری میٹریل نہیں پڑھا سکیں گے۔ محکمہ تعلیم پنجاب نے تمام پرائیویٹ اسکولوں کو احکامات کا پابند کر دیا۔ محکمہ اسکول ایجوکیشن نے پرائیویٹ اسکولوں کو پابند کیا ہے۔ تمام پرائیویٹ اسکول پنجاب ٹیکسٹ بک بورڈ سے اجازت کے بغیر کوئی کتاب اسکول میں نہیں پڑھا سکیں گے۔ محکمہ اسکول ایجوکیشن نے تمام ایجوکیشن اتھارٹیز کو مراسلہ جاری کردیا ہے۔ مراسلے میں کہا گیا ہے کہ کوئی کتاب، سپلمنٹری میٹریل بھی اسکول میں پڑھانے سے قبل سرٹیفکیٹ لینا لازمی ہوگا۔ مراسلے میں مزید کہا گیا ہے کہ احکامات کی خلاف ورزی پر پرائیویٹ اسکولوں کیخلاف کارروائی کی جائے گی۔ نوٹیفکیشن کے مطابق فیصلے کا اطلاق تمام پرائیویٹ اسکولوں پر ہوگا۔
