نسل پرست امریکا خطے میں جنگ کی آگ بھڑکانا چاہتا ہے، سید حسن نصراللہ

امریکی حکومت کی بنیاد ظلم و ستم اور عدم مساوات پر ڈالی گئی،امریکا کسی بھی ملک پر جنگ مسلط کرنا اور بچوں کو خاک و خوں میں غلطاں کرنااپنا حق سمجھتا ہے
علاقے میں اسرائیل ہی بدی کی اصل جڑ اور مرکز ہے، اگر کوئی اسرائیل کے مد مقابل آئے تو اسے فلسطین کی تاریخ اور اس کی سرزمین سے آشنا ہونا چاہئے
 بیروت (نیوز ڈیسک) حزب اللہ کے سیکریٹری جنرل سید حسن نصراللہ نے امریکااور بعض مغربی اور عرب ممالک کی جانب سے خطے کے داخلی امور میں مداخلت اور جنگ کی آگ بھڑکانے سے خبردار کیا ہے،محرم کی مجلس سے خطاب میں حجتہ الاسلام سیدحسن نصراللہ نے امریکی حکومت کو نسل پرست اور وحشی حکومت قرار دیتے ہوئے کہا کہ اس حکومت کی بنیاد ظلم و ستم اور عدم مساوات پر ڈالی گئی ہے، امریکا خود کو یہ اجازت دیتا ہے کہ وہ کسی بھی ملک پر جنگ مسلط کرے اور یمن کے حتی چھوٹے بچوں کو خاک و خوں میں غلطاں کرے لیکن کوئی بھی اس قسم کی جارحیت کی مذمت کیلئے دو جملے بھی کہنے کا حق نہیں رکھتا،انہوں نے حکومتِ برطانیہ کو بھی صہیونیوں کی غلام حکومت قرار دیتے ہوئے کہا کہ لندن نے خود کو صہیونیوں کے سامراجی اغراض و مقاصد کی تکمیل کے لئے وقف کر دیا ہے حسن نصراللہ نے صہیونی حکومت کو علاقے کے لئے سب سے بڑا خطرہ قرار دیا اورکہا کہ علاقے میں اسرائیل ہی بدی کی اصل جڑ اور مرکز ہے اور اگر کوئی اسرائیل کے مد مقابل آئے تو اسے فلسطین کی تاریخ اور اس کی سرزمین سے آشنا ہونا چاہئے،سید حسن نصر اللہ نے فرزند رسول سید الشہدا امام حسین علیہ السلام اور آپ ؑکے اصحاب باوفا کو عالم انسانیت کے لئے نمونہ عمل قرار دیتے ہوئے کہا کہ تاریخ اسلام ایسی ہستیوں سے لبریز ہے جنہیں نمونہ عمل بنا کر ایک مطلوب زندگی رقم کی جا سکتی ہے