Raza Musani 
کوالالمپور: ملائشیا کے انتخابات میں کوئی جماعت اکثریت حاصل نہ کرسکی۔ مہاتیر محمد بھی 53 سال بعد ہارگئے۔ ملائشیا میں پارلیمنٹ کی 222 نشستوں کے لئے ووٹ ڈالے گئے۔ لیکن کوئی جماعت تنہا حکومت بنانے کیلئے مطلوبہ اکثریت حاصل نہیں کرسکی۔ اپوزیشن لیڈر انور ابراہیم کے پاکتن ہراپن اتحاد 82 نشستوں کے ساتھ آگے ہے۔ وزیراعظم محی الدین یاسن کی نیشنل الائنس نے 73جبکہ یونائیٹڈ ملائی نیشنل آرگنائزیشن صرف 30 نشستیں جیت سکی۔ معلق پارلیمنٹ کی وجہ سے حکومت سازی کیلئے دو جماعتوں کو اتحاد کرنا پڑے گا۔ انتخابات میں اب تک سب سے بڑی شکست سابق وزیراعظم 97 سالہ ڈاکٹر مہاتیر محمد کی دیکھنے میں آئی ہے جو 53 سال میں پہلی بار اپنے حلقے کی نشست ہار گئے ہیں۔
