مصر کی نظر ثانی کی عدالت نے آج بروز منگل اخوانالمسلمین کے سربراہ محمد بدیع کی عمر قید کی سزا کی تائید کی ہے۔ مصر کے اخبار الاھرام کی رپورٹ کے مطابق مصر کی نظر ثانی کی عدالت کے جج عبدالله عصر نے آج محمد بدیع اور اخوانالمسلمین کے دیگر 248 افراد کی سزاؤں کی جنہیں العدوه کے واقعہ کے الزام میں عمر قید کی سزائیں سنائی گئی تھیں تائید کی ہے۔ رپورٹ کے مطابق نظرثانی کی عدالت کے فیصلے کو کسی بھی طور چیلنج نہیں کیا جا سکتا۔
اخوانالمسلمین کے اراکین پر الزام ہے کہ انہوں نے 14 اگست 2013 میں العدوہ شہر میں پولیس اسٹیشن پر حملہ کر کے اسے آگ لگا دی۔مصر کے اعلی حکام نے 2013 میں اخوانالمسلمین کو دہشتگردوں کی فہرست میں شامل کیاتھا۔
