جنگ یمن ،کورونا سستا تیل سعودی معیشت کیلئے وبال

تیل کی آمدنی سے ملازمین کی تنخواہیں دینا بھی مشکل ہوگیا ،بن سلمان
ریاض (نیوز ڈیسک) جنگ یمن، کورونا اور تیل کی قیمتوں میں گراوٹ آل سعود کے لئے وبال جان بن گئے،اربوں ڈالر اسلحے پر خرچ کرنے والے سعودی عرب کو ملازمین کی تنخواہیں دینے میں مشکلات کا سامنا کرنا پڑ رہا ہے، محمد بن سلمان نے اعتراف کیا ہے کہ تیل کی آمدنی سے ملازمین کی تنخواہیں دینا بھی مشکل ہوتا جارہا ہے، اب تک تیل کی قیمتوں میں کمی اور کرونا کی وجہ سے سعودی معیشت کو27ارب ڈالر کا نقصان پہنچ چکا ہے، محمد بن سلمان نے دعوی کیا کہ حکومت نے نان پیٹرولیم اشیا کی مد میں حاصل ہونے والی آمدنی سے تیل کی قیمتوں میں آنے والی کمی کا ازالہ کردیا ہے