جنگی طیارے دینے سے انکار، امارات کو ا مریکی طمانچہ

 اسرائیل سے معاہدہ کے باوجود امریکا کاامارات کو ایف 35طیاروںکی فروخت سے انکار ،امارات نے اسرائیلی حکام سے پہلی باضابطہ ملاقات منسوخ کردی
مشرق وسطیٰ میں اسرائیلی برتری کو مقدم رکھا جائے گا،امارات کو ایسے ہتھیار دئے جائیں گے جوا یرانی خطرات سے نمٹنے کیلئے ضروری ہیں،مائیک پومپیو
تل ابیب /ابوظبی(نیوز ڈیسک) اسرائیل سے معاہدہ کے باوجود امریکا نے عرب امارات کو ایف 35طیاروںکی فروخت سے انکار کردیا ،اور اسرائیل کو یقین دلایا ہے کہ اسرائیل کی سیکورٹی پر کوئی سمجھوتہ نہیں کیا جائے گا، اسرائیل نوازی پر عرب امارات نے اسرائیلی حکام پہلی باضابطہ ملاقات منسوخ کردی ،امریکی وزیرخارجہ مائیک پومپیو نے اسرائیل کا دورہ کیا اور وزیراعظم بنیامین سے ملاقات میں یقین دلایا کہ امریکا عرب امارات کو ایسے ہتھیاروں اور حربی آلات کی فراہمی جاری رکھے گا جو ایران کی جانب سے لاحق خطرات سے نمٹنے اور عوام کے تحفظ اور دفاع کیلئے ضروری ہے تاہم مشرق وسطیٰ میں اسرائیلی برتری کو مقدم رکھا جائے گا ،اس سے پہلے موساد کے ڈائریکٹر یوسی کوہن نے اسرائیلی ٹیلی ویڑن سے گفتگو میں متحدہ عرب امارات کو ایف -35 لڑاکا طیاروں کی فروخت۔کی مخالفت کرتے ہوے کہا گھا کہ اسرائیل ہر قسم کے ہتھیاروں کی فروخت کا مخالف ہے جو علاقے میں اس کی برتری کے لئے خطرے کا باعث بنے،اسرائیلی مخالفت کے بعدعرب امارات نے اسرائیلی حکام پہلی باضابطہ ملاقات منسوخ کردی