اسرائیل سے تعلقات نیتن یاھو کو مفت کا تحفہ ہے،فلسطینی انتظامیہ

کسی کو ملت فلسطین کی نمائندگی میں بولنے کا حق نہیں،صائب عریقات
رام اللہ(نیوز ڈیسک) پی ایل او کی عاملہ کمیٹی کے سیکریٹری جنرل صائب عریقات نے کہا ہے کہ صیہونی حکومت کے ساتھ تعلقات برقرار کرنے کی کوئی بھی کوشش بنیامین نتن یاہو کو مفت تحفہ دینے کے مترادف ہے، مقبوضہ علاقوں کے بارے میں تنازع فلسطینیوں اور صیہونیوں کے درمیان ہے اور کسی کو ملت فلسطین کی نمائندگی میں بولنے کا حق نہیں،صائب عریقات نے کہا کہ فلسطین پر غاصبانہ قبضہ ختم ہونے سے پہلے کسی کو صیہونی حکومت کے ساتھ تعلقات برقرار نہیں کرنا چاہئے، انہوں نے صیہونی حکومت کی جارحیتوں کی جانب اشارہ کرتے ہوئے کہا کہ امریکہ صیہونی حکومت کی جانبداری اور اس کے جرائم کی حمایت کر کے علاقے کو تشدد اور بدامنی کی جانب لے جا رہا ہے