Ilyas ایٹمی معاہدے میں امریکا کے دوبارہ شامل ہونے کی کوئی جلدی نہیں ، پابندیوں کا خاتمہ اور ہمارے غصب شدہ حق کی بحالی ہمارا معقول مطالبہ ہے، آیت اللہ خامنہ ای
موجودہ حالات میں امریکا کو اپنے مفادات علاقے کی بدامنی میں دکھائی دیتے ہیں ، ہم خطے میں اسی طرح موجود رہیں گے اور ہمیں موجود رہنا چاہئے
تہران(نیوز ڈیسک ولی امرمسلمین آیت اللہ خامنہ ای نے کہا ہے کہ موجودہ حالات میں امریکا کو اپنے مفادات علاقے کی بدامنی میں دکھائی دیتے ہیں ، مغرب اور ہمارے دشمنوں کے محاذ کو چاہے کہ وہ ایرانی قوم کے خلاف اس خیانت آمیز حرکت اور لاحاصل دشمنی یعنی پابندیوں کا سلسلہ بند کردے، قوم سے خطاب میں ولی امر مسلمین نے ا مریکی کی سرکردگی میں قائم سامراجی محاذ اور ایران کے درمیان محاذ آرائی، غیر قانونی پابندیوں ، ایران کی علاقائی موجودگی، ایران کے دفاعی طاقت اور میزائل پروگرام کی جانب بھی اشارہ کیا،انہوں نے ایٹمی معاہدے پر عملدرآمد میں کمی کے حوالے سے پارلیمنٹ اور حکومت کے فیصلے کو منطقی اور دانشمندانہ قرار دیتے ہوئے کہا کہ، ہمیں ایٹمی معاہدے میں امریکا کے دوبارہ شامل ہونے کی کوئی جلدی نہیں ، اور نہ ہی اس پر اصرار ہے، پابندیوں کا خاتمہ اور ہمارے غصب شدہ حق کی بحالی ہمارا معقول مطالبہ ہے اور اس کو پورا کرنا امریکا اور یورپ کا فریضہ ہے، پابندیوں کے خاتمے کے بغیر، جامع ایٹمی معاہدے میں امریکا کی واپسی نقصان دہ ہو سکتی ہے،انہوں نے کہاکہ اگر پابندیاں اٹھالی گئیں تو ایٹمی معاہدے میں امریکا کی واپسی کا کوئی مطلب ہوگا لیکن جو نقصانات ہمیں پہنچے ہیں ان کی تلافی ہمارے مطالبات میں شامل ہے جس کو ہم بعد کے مرحلے میں پیش کریں گے،انہوں نے کہاکہ علاقے میں ہماری موجودگی، اسلامی جمہوریہ ایران کے طرفداروں اور دوستوں کی تقویت اور علاقے میں ثبات و استحکام کا باعث ہے جس کا عراق اور شام میں سبھی نے مشاہدہ کیا ہے۔ بنابریں ہم خطے میں اسی طرح موجود رہیں گے اور ہمیں موجود رہنا چاہئے
