معاہدہ پرنظرثانی ممکن نہیں،ایٹمی ایجنسی کی تجویز مسترد

 آئی اے ای اے کا کام ختم ہوگیا وہ اپنے اختیارات سے تجاوز نہ کرے، ایران
 تہران(نیوز ڈیسک)ایران نے عالمی جوہری ادارے کی ایٹمی معاہدے پر نظرثانی کی تجویز مسترد کردی ،آئی اے ای اے نے نئی امریکی انتظامیہ کے بعد جوہری معاہدے پر نظرثانی کی تجویز دی تھی، آئی اے ای اے کے ڈائریکٹر رافائیل گروسی نے الزام لگایا تھاکہ تہران کی جانب سے جوہری معاہدے کی بہت سی خلاف ورزیاں کی گئی ہیں لہذا جو بائیڈن کے کرسی صدارت پر پہنچنے سے پہلی والی صورت حال پر لوٹ جانا ممکن نہیں، آئی اے ای اے میں ایران کے مندوب کاظم غریب آبادی نے ردعمل میں ٹویٹ کیا کہ پاسداری پر عملدرآمد کی نوعیت پر کسی بھی قسم کا جائزہ لینا یہ آئی اے ای اے کے اختیارات سے مکمل طور پر تجاوز کرنا ہے جس سے اجتناب برتنا چاہیے، ایجنسی جوہری معاہدے کے حوالے سے مذاکرات میں اپنا کردار ادا کر چکی ہے ایران نے سعودی عرب کی جوہری پروگرام پر خلیجی ممالک سے مشاورت کے مطالبے کوبھی صریحاً مسترد کردیا تھا۔