Raza Musani 
تفتان : ایران کے شہر تفتان کے علاقے گوہرکوہ میں دہشت گردوں کے حملے میں گشت پر مامور 10 پولیس اہلکار شہید ہوگئے۔ افغانستان، ایران اور پاکستان میں سرگرم حال وش نامی ایک بلوچ گروپ نے ایرانی پولیس کے ٹرک کی تصاویر آن لائن پوسٹ کی ہیں جن میں سے ایک میں فرنٹ نشست پر دو اہلکاروں کی لاشیں نظر آ رہی ہیں۔ حال وش نے کہا ہے کہ حملہ دو گاڑیوں پر کیا گیا اور اُن میں موجود تمام اہلکار مارے گئے ہیں۔ حملے کی ذمہ داری دہشت گرد گروہ جیش الظلم نے قبول کی ہے۔ تفتان میں سیکورٹی فورسز نے کامیاب آپریشن کرتے ہوئے دہشت گرد حملوں میں ملوث شرپسندوں میں سے ایک کو گرفتار کرلیا ہے۔
