بھارت میں گذشتہ 24 گھنٹوں کے دوران کورونا کیسوں میں ریکارڈ 52123 کا اضافہ ہوا ہے جس سے کورونا متاثرین کی مجموعی تعداد 1583792 تک پہنچ گئی ہے۔ اس دوران کورونا انفکشن سے شفایاب ہونے والوں کی تعداد بھی 10 لاکھ تک پہنچ گئی۔ مرکزی وزارت صحت نے جمعرات کو اعداد و شمار پیش کرتے ہوئے کہا کہ ملک میں گذشتہ 24 گھنٹوں کے دوران 775 افراد کورونا سے جاں بحق ہوگئے جس سے مہلک وائرس سے از جان ہونے والوں کی مجموعی تعداد 34968 تک پہنچ گئی۔ اس وقت اعداد و شمار کے مطابق ملک میں کورونا کے 528242 متحرک کیس موجود ہیں جبکہ شفایابی کی شرح 64.44 تک پہنچ گئی ہے۔
