ایران سے نیا معاہدہ کیا جائے ، سعودی وزیرخارجہ کا واویلا

 مستقبل میں کوئی ڈیل صرف جوہری پروگرام تک محدود نہیں رہنی چاہیے
 ریاض (نیوز ڈیسک) سعود ی وزیرخارجہ شہزادہ فیصل بن فرحان آل سعود نے ایک بار پھر واویلا کیا ہے کہ ایران کے ساتھ مستقبل میں کوئی ڈیل صرف جوہری پروگرام تک محدود نہیں رہنی چاہیے بلکہ اس میں اس کی خطے میں تخریبی سرگرمیوں کا بھی توڑ کیا جانا چاہیے ہمارا یہ یقین ہے کہ مسئلہ صرف جوہری پروگرام کا نہیں بلکہ ایران کے ساتھ مسئلہ یہ ہے کہ اس نے خطے پر اپنی مرضی مسلط کرنے اور اپنے ہمسایوں اور ان سے آگے کے ممالک میں انقلاب کو برآمد کرنے کا سلسلہ جاری رکھا ہوا ہے،انہوں نے کہا کہ ہمیں اس مسئلہ کو حل کرنے کی ضرورت ہے،میں اس کو مستقبل میں مشترکہ جامع لائحہ عمل پلس پلس کا نام دیتا ہوں،اس میں جوہری پروگرام کا نہ صرف احاطہ کیا گیا ہو، یہ یقینی طور پر اہمیت کا حامل ہے بلکہ اس میں ایران کی علاقائی سرگرمی کا بھی توڑ کیا جائے