Raza Musani 
بیروت : لبنان میں 13 ماہ کے ڈیڈلاک کے بعد حکومت کی تشکیل کا معاہدہ طے پا گیا، لبنانی رہنماؤں نے نجیب میقاتی کی قیادت میں 24 وزرا پر مشتمل حکومت کی تشکیل پر اتفاق کیا، وزیراعظم نجیب میقاتی اور صدر میشل عون نے اسپیکر پارلیمنٹ کی موجودگی میں حکومت کی تشکیل کے معاہدے پر دستخط کئے،ایک سال سے زائد عرصے تک باضابطہ حکومت کا قیام نہ ہونے سے لبنان کے معاشی حالات مزید خراب ہوگئے، نجیب میقاتی نے کہا کہ صورتحال انتہائی خراب ہے مگر ہم لبنانی متحد ہوتے ہیں تویہ ناممکن نہیں، ہمیں ایک دوسرے کے ہاتھوں کو تھامنا ہے، ہم ایک دوسرے کے ساتھ متحد، پر امید اور عزم کے ساتھ کام کریں گے، صدر مائیکل عون نے کہا ہم جہنم سے نکلیں گے اور اس کھائی سے اوپر آئیں گے جس میں ہم 13 ماہ سے گرے ہوئے تھے۔
