Raza Musani 
صنعا : یمن کے دارالحکومت صنعاء اور دیگر شہروں میں ہزاروں افراد سعودی جارحیت کے خلاف سڑکوں پر نکل آئے اور سعودی زیر قیادت اتحاد کی جارحیت اور جنگی جرائم کی مسلسل کارروائیوں پر غم و غصے کا اظہار کیا۔ انصاراللہ کے بانی حسین الحوثی کی برسی پر یمن کا پرچم لہراتے ہوئے مظاہرین نے امریکا اور اس کے اتحادی سعودی عرب کیخلاف احتجاج کیا۔مظاہرین نے یمنی فوجی دستوں اور پاپولر کمیٹیوں کے جنگجوؤں کی حمایت کا اظہار کیا۔ صنعا میں نکالی گئی ریلی میں شرکا نے جارح سعودی اتحاد کے خلاف مزاحمت پر زور دیا۔ مظاہرین نے اپنے دشمنوں پر واضح کر دیا کہ ان کا ملک آزاد ہے اور آزاد رہے گا۔ مظاہرے میں اعلیٰ یمنی حکام اور سیاست دانوں نے شرکت کی۔وسطی صوبے البیضاء اور دوسری علاقوں میں بھی زبردست احتجاج کیا گیا۔
