Raza Musani 
صنعا : یمنی عوام نے 21 ستمبر کے انقلاب کی 8 ویں سالگرہ پر صعدہ صوبے میں وسیع پیمانے پر ریلیاں نکالیں، مظاہرین نے ہاتھوں میں بینرز اور پلے کارڈز اٹھا رکھے تھے جن پر انصار اللہ اورتحریک کے سابق اور موجودہ رہنماؤں کی تصاویر کے ساتھ ساتھ ان کی حمایت میں نعرے بھی درج تھے۔ مظاہرے کے اختتام پر مختلف رہنماؤں نے خطاب کیا اور ایک بیان بھی جاری کیا گیا جس میں یمن کے عوامی حکمرانوں کی حمایت کا اعلان کیاگیا۔ مقررین نے اپنے خطاب میں یمنی عوام کے خلاف سعودی اتحاد کی جارحیت کی مذمت کی اور اس جارحیت میں امریکہ کو سعودی اتحاد کا شریک جرم قرار دیا۔ مظاہرین کے بیان میں ایک بار پھر فلسطین اورامت مسلمہ کی حمایت میں یمن کے اصولی موقف پرزور دیا گیا۔ اُدھر انقلاب کی سالگرہ کی مناسبت سے انصاراللہ، جنرل پیپلز کانگریس ، جنوبی حراک تحریک سمیت سعودی جارحیت کے مخالف سبھی دھڑوں کا مشترکہ اجلاس صنعا میں ہوا۔اجلاس میں اس بات کا عہد کیا گیا کہ انقلابی تحریک کو مکمل کامیابی اور اہداف کے حصول تک جاری رکھا جائے گا۔
