Raza Musani 
صنعا: یمن میں عید میلاد النبی صلی اللہ علیہ وآلہ وسلم پر دنیا کی سب سے بڑی ریلی نکالی گئی۔ دارالحکومت صنعا میں مرکزی اجتماع میں لاکھوں افراد امڈ آئے۔ تاحد نگاہ سر ہی سر اور سبز پرچموں کی بہار آگئی۔
یمن کے دیگر شہروں الحدیدہ، صعدہ، عمران میں بھی اجتماعات اور ریلیوں میں شرکا کی بڑی تعداد شریک ہوئی اور نبی کریم ﷺ سے والہانہ عشق اور عقیدت کا اظہار کیا۔ خیرالبشر۔ رحمت اللعالمین صلی اللہ علیہ وآلہ وسلم کے حضور گلہائے عقیدت پیش کئےگئے۔ یمن کی فضائیں کلام اور درود و سلام سے گونجتی رہیں۔ خواتین نے بھی اجتماعات میں بڑی تعداد میں شرکت کی۔ عید میلاد النبیؐ کے عظیم الشان اجتماعات سے انصار اللہ یمن کے سربراہ عبد المالک حوثی نے بھی خطاب کیا۔
