Raza Musani 
تیانجن : چین کے شہر تیانجن میں شنگھائی تعاون تنظیم کا سربراہ اجلاس شروع ہوگیا۔ چین کے صدر شی جن پنگ نے افتتاحی خطاب میں کہا کہ عالمی رہنما سرد جنگ کی ذہنیت رکھنے والے کیمپ کے غنڈہ گردی کے رویے کی مذمت کریں۔ چینی صدر شی جن پنگ نے اجلاس سے خطاب میں ورلڈ آرڈر کے نام پر غنڈہ گردی کے رویے کو تنقید کا نشانہ بنایا۔ انہوں نے اجلاس میں شریک رہنماؤں کو مخاطب کرتے ہوئے کہا کہ رکن ممالک کو تیزی سے پیچیدہ سیکورٹی اور ترقی کے چیلنجز کا سامنا ہے۔ موجودہ بین الاقوامی صورت حال افراتفری کا شکار ہو رہی ہے جو کہ آپس میں جڑی ہوئی ہے۔ صدر شی جن پنگ کا مزید کہنا تھا کہ ایس سی او باہمی اعتماد سے آگے بڑھ رہی ہے اور وقت گزرنے کے ساتھ ساتھ تناور درخت بن چکی ہے۔ انہوں نے کہا کہ ایس سی او کو ایک زیادہ منصفانہ اور مساوی عالمی گورننس سسٹم کی تشکیل کے لیے کام کرنا چاہیے۔
