Raza Musani 
ہندوستانی ریاست اترپردیش میں ہندو انتہا پسند بی جے پی کی حکومت نے مظفرنگر میں 300سالہ قدیم درگاہ اور مسجد کو شہید کردیا۔ بی جے پی حکومت نے مظفر نگر کے جنسٹھ روڈ کی توسیع کے نام پر تاریخی درگاہ حضرت مظفر علی اور اس سے متصل مسجد کو بلڈوزر سے مسمار کردیا۔ درگاہ اور مسجد کو منہدم کرنے کی کارروائی پولیس ا ور انتظامیہ کے اعلیٰ عہدیداروں کی نگرانی میں انجام دی گئی۔ مقامی مسلمانوں میں درگاہ اور مسجد مسمار کرنے پر یوگی حکومت کے خلاف شدید غم و غصہ پایاجاتا ہے۔ خدشہ ظاہر کیاہے کہ ضلع میں سڑک کی توسیع کی آڑ میں مزید تین مساجد کو بھی مسمار کرنے کا منصوبہ بنایا گیا ہے۔ ان تین عبادتگاہوں کو نوٹسز جاری کر دئے گئے ہیں اور انہیں جلد مسمار کردیاجائے گا۔
